Sanéta, cantori salesi

E sun fame ‘na murusa
le pa tant distant da sì
E di nome si chiama Sanéta
Sanéta ‘d quìndës agn

Sucedüje ‘na gran guèra
gentil galant s’a i tuca andé
e la povera Sanéta
non fa che suspiré

Suspiré pa tant Sanéta
o, Sanéta, piuré pa tant
le campagne sun pa tant lunghe
ben presto tornerà

E s’a sun astaite lunghe
s’al àn bin düra sét agn
e la povera Sanéta
s’é fase n’altro amor

E pöi dop da lì sét ani
gentil galant ‘l é riturnà
a la porta ‘d la Sanéta
‘l é andait a tabüsar

Chi ch’a j’é-lu ch’a tabüsa?
ch’a tabüsa ‘n poch pi fort
mi sun dona maridéja
sun fame n’altro amor

Purté sì ‘n giöch ‘d carte
‘n giöch ed carte për giüghé
giocheremo la Sanéta
da perdla a guadagné

Ün a tira l’as da piche
l’aut a tira l’as da fiur
e se cul ch’a la guadagna
s’ al é ‘l so primo amor

e se cul ch’a la guadagna
s’ al é ‘l so primo amor